बाढीले बगाएको शवबाट सुनको मुन्द्रा चोरी गरेका दुई जना पक्राउ
११ भाद्र, २०८३, बिहिवार
- भिडियोका आधारमा अनुसन्धान गर्दा शवबाट सुनको मुन्द्रा चोरी गरेको आरोपमा भदौ ११ गते चितवनको भरतपुर महानगरपालिका–१, पोखरा बसपार्क नजिकबाट दुई जनालाई पक्राउ गरिएको चितवन प्रहरीले जनाएको छ ।
चितवन: रसुवाको भोटेकोशी नदीमा आएको भीषण बाढीले बगाएर ल्याएको शवबाट सुनको मुन्द्रा चोरी गरेको आरोपमा प्रहरीले दुई जनालाई पक्राउ गरेको छ ।
भोटेकोशीमा आएको पहिरोसहितको बाढीले बगाएर ल्याएको शव नदी किनारमा अड्किएको अवस्थामा ती व्यक्तिहरूले मृतकको कानबाट सुनको मुन्द्रा निकाल्दै गरेको भिडियो सामाजिक सञ्जालमा फैलिएपछि प्रहरीले अनुसन्धान अघि बढाएको थियो ।
भिडियोका आधारमा अनुसन्धान गर्दा शवबाट सुनको मुन्द्रा चोरी गरेको आरोपमा भदौ ११ गते चितवनको भरतपुर महानगरपालिका–१, पोखरा बसपार्क नजिकबाट दुई जनालाई पक्राउ गरिएको चितवन प्रहरीले जनाएको छ ।
पक्राउ पर्नेमा नवलपरासीको विनय त्रिवेणी नगरपालिका–१ घर भई हाल भरतपुर महानगरपालिका–१ लीलाचोकस्थित मामाघरमा बस्दै आएका २५ वर्षीय मदन गुरुङ र सुनसरीको चाइँबेला नगरपालिका–५ घर भई हाल भरतपुर महानगरपालिका–२ पोखरा बसपार्क सुपारीटोलमा बस्दै आएका ३८ वर्षीय उमेश चौधरी रहेका छन् ।
पक्राउ परेका दुवै जनामाथि थप अनुसन्धान भइरहेको प्रहरीले जनाएको छ ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
अर्बपतिहरूको सन्तान मोह
सन्तान जन्माउनु र हुर्काउनु सामान्यतया पारिवारिक जीवनको महत्त्वपूर्ण हिस्सा मानिन्छ । तर विश्वका केही अर्बपतिहरूको जीवनशैलीले यो विषयलाई नयाँ बहसमा ल्याएको छ ।
