हेटौडा उपमहानगरपालिकामा जनगुनासो बढ्दो, सेवा प्रवाह अस्तव्यस्त

२०८२ कार्त्तिक ११ मङ्गलवार

(समाचार)

सारांश

नगरपालिकाको कर शाखा लगायतका कार्यालयहरू खुला त देखिन्छन् तर काम भने ठप्पजस्तै रहेको जनगुनासो छ । केही कर्मचारी आफ्नो मोबाइल चलाउन व्यस्त छन् भने अरू चिया–गफमै समय बिताइरहेका देखिन्छन् ।

मकवानपुर :बागमती प्रदेशको राजधानी हेटौडा उपमहानगरपालिकामा हाल न त मेयर मीनाकुमारी लामा छन्, न त उपमेयर राजेश बानिया नै सक्रिय देखिन्छन् । यद्यपि कार्यालय खुलेको भए पनि सेवा प्रवाह अत्यन्त अस्तव्यस्त बनेको स्थानीयले गुनासो गरेका छन् ।

नगरपालिकाको कर शाखा लगायतका कार्यालयहरू खुला त देखिन्छन् तर काम भने ठप्पजस्तै रहेको जनगुनासो छ । केही कर्मचारी आफ्नो मोबाइल चलाउन व्यस्त छन् भने अरू चिया–गफमै समय बिताइरहेका देखिन्छन् । कर तिर्न वा अन्य कामका लागि कार्यालय पुगेका सर्वसाधारणले लामो प्रतीक्षा गर्नुपरेको र कुनै पनि जिम्मेवार व्यक्ति उपलब्ध नहुँदा असन्तुष्टि जनाएका छन् ।

स्थानीयको भनाइमा, ‘नगरपालिकाले सेवा दिने जिम्मा लिए पनि नेतृत्व अभावमा सबै प्रक्रिया ढिलो भइरहेका छन् । न त समयमै काम हुन्छ, न त उत्तरदायी कोही भेटिन्छ ।’

जनताको करबाट सञ्चालन हुँदै आएको हेटौडा उपमहानगरपालिकाले जनगुनासो सम्बोधन गर्न तथा सबै अभिलेख र सेवा प्रक्रियालाई पारदर्शी बनाउन तत्काल पहल गर्नुपर्ने स्थानीयवासीको माग छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

इरानको आन्तरिक संरचना र मध्यपूर्वको युद्ध

मध्यपूर्वमा डलर, तेल, र धर्मको मिश्रणले राजनीति, कूटनीति, र द्वन्द्व सिर्जना गरेको छ । यसले मुख्य उद्देश्य सभ्यताको रक्षा तथा नेतृत्व जस्तो देखिन सक्छ । यही कारणले यो संघर्ष करिब अन्तहीन जस्तो देखिन्छ । केही समयको विश्रामपछि नयाँ संस्करणको युद्ध फेरि सुरु हुन्छ ।