म्याद थप्नका लागि रवि र छविसहित चार जनालाई लगियो अदालत

पोखरा: सहकारीको रकम अपचलन प्रकरणमा पक्राउ परेका राष्ट्रिय स्वतन्त्र पार्टी(रास्वपा)का सभापति रवि लामीछानेलाई अदालत उपस्थित गराइएको छ ।

म्याद थपका लागि रविलाई जिल्ला अदालत कास्की उपस्थित गराइएको हो ।

पछिल्लो पटक मंसिर २३ गते जिल्ला अदालत कास्कीले चार दिन म्याद थप गरेको थियो । मंगलबार वीरगञ्ज लगेर उनलाई बुधबार पोखरा ल्याइएको छ ।

रविसँगै गोरखा मिडिया नेटवर्कमा व्यवसायिक साझेदार बनेका पूर्वडिआईजी छविलाल जोशी, गितेन्द्रबाबु राई (जिबी)सँग मिलेर सूर्यदर्शन सहकारीको तीन करोड बढी अपचलन गर्ने गीता पछाई र नेचर हर्ब्स इन्टरनेशनलका सञ्चालक रामबहादुर खनाललाई पनि अदालत लगिएको छ ।

उनीहरुलाई पनि रविकोसँगै चार दिन म्याद थप भएको थियो ।