- घटनाको वास्तविक कारणबारे अनुसन्धान भइरहेको छ । राष्ट्रपति जिनपिङले सबै सरकारी निकाय र क्षेत्रलाई यस घटनाबाट पाठ सिक्न, कार्यस्थल सुरक्षामा विशेष ध्यान दिन र यस्ता ठूला दुर्घटना रोक्न जोखिमको गम्भीर मूल्यांकन गर्न निर्देशन दिएका छन् ।
काठमाडौँ: चीनको शान्सी प्रान्तस्थित एक कोइला खानीमा भएको भीषण विस्फोटमा कम्तीमा ९० जनाको मृत्यु भएको छ । यो घटना पछिल्लो एक दशकयताकै चीनको सबैभन्दा ठूलो कोइला खानी दुर्घटना मानिएको छ ।
सरकारी समाचार संस्था सिन्ह्वाका अनुसार विस्फोट शुक्रबार किनयुआन काउन्टीमा भएको हो । उक्त क्षेत्र राजधानी बेइजिङबाट करिब ५२० किलोमिटर दक्षिणपश्चिममा पर्छ ।
दुर्घटनाअघि खानीभित्र कार्बन मोनोअक्साइड ग्यासको मात्रा बढेको चेतावनी जारी गरिएको थियो । त्यसको केही समयपछि शक्तिशाली विस्फोट भएको बताइएको छ । विस्फोट हुँदा खानीभित्र २४७ मजदुर काम गरिरहेका थिए । अझै कति मजदुर भित्र फसेका छन् भन्ने स्पष्ट हुन सकेको छैन । राहत तथा उद्धार कार्य जारी रहेको चिनियाँ अधिकारीहरूले जनाएका छन् ।
दुर्घटनापछि सुरुमा सरकारी सञ्चारमाध्यमले ८ जनाको मृत्यु भएको र २०० भन्दा बढी मजदुरलाई सुरक्षित निकालिएको जानकारी दिएका थिए । तर केही समयपछि मृतक संख्या अचानक बढेर ८२ पुगेको र पछि ९० पुगेको बताइएको छ । संख्या कसरी यति छिट्टै बढ्यो भन्नेबारे स्पष्ट जानकारी दिइएको छैन ।
चिनियाँ राष्ट्रपति सी जिनपिङले दुर्घटनापछि उद्धार टोलीलाई बेपत्ता मजदुरको खोजीमा सबै प्रयास गर्न निर्देशन दिएका छन् । उनले घटनाका जिम्मेवार व्यक्तिलाई कारबाही गरिने पनि बताएका छन् । प्रारम्भिक अनुसन्धानमा खानीभित्र कार्बन मोनोअक्साइड ग्यासको मात्रा अत्यधिक बढेकाले विस्फोट भएको आशंका गरिएको छ ।
घटनाको वास्तविक कारणबारे अनुसन्धान भइरहेको छ । राष्ट्रपति जिनपिङले सबै सरकारी निकाय र क्षेत्रलाई यस घटनाबाट पाठ सिक्न, कार्यस्थल सुरक्षामा विशेष ध्यान दिन र यस्ता ठूला दुर्घटना रोक्न जोखिमको गम्भीर मूल्यांकन गर्न निर्देशन दिएका छन् ।
यसैबीच चीनका प्रधानमन्त्री ली छ्याङले पनि बेपत्ता मजदुरको खोजी तीव्र बनाउन र घटनाको कारण छिटो अनुसन्धान गरी दोषीमाथि कारबाही गर्न आग्रह गरेका छन् । सरकारी सञ्चारमाध्यमका अनुसार उपप्रधानमन्त्री झाङ गुओछिङ र स्थानीय प्रशासनका वरिष्ठ अधिकारीहरू पनि घटनास्थल पुगेका छन् । उनीहरूले उद्धार अभियानको अनुगमन गरिरहेका छन् ।
चीनमा पछिल्ला वर्षहरूमा खानी सुरक्षासम्बन्धी नियम कडा बनाइए पनि यस्ता दुर्घटना दोहोरिँदै आएका छन् । उत्पादन बढाउने दबाब र सुरक्षामा हुने लापरवाहीलाई यसको मुख्य कारण मानिएको छ । यसअघि सन् २०२३ फेब्रुअरीमा इनर मङ्गोलियास्थित एक खुला खानीमा पहिरो जाँदा ५३ मजदुरको मृत्यु भएको थियो ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।
