इजरायल र लेबनानबीच दोस्रो चरणको वार्ता आज हुँदै

काठमाडौँ:  इजरायल र लेबनानबीच दोस्रो चरणको वार्ता आज अमेरिकामा हुँदैछ ।

वार्तामा हाल लागू १० दिने युद्धविराम अवधि थप लम्ब्याउने विषयमा मुख्य रूपमा छलफल हुने बताइएको छ ।

लेबनानका राष्ट्रपति जोसेफ औनका अनुसार दूतस्तरको वार्ता इजरायली आक्रमण रोक्ने, लेबनानी भूभागबाट इजरायली सेना फिर्ता गर्ने, बन्दीहरूको रिहाइ, अन्तर्राष्ट्रिय सीमामा सेना परिचालन तथा युद्धबाट प्रभावित क्षेत्रको पुनर्निर्माणजस्ता विषयमा केन्द्रित रहनेछ ।

यसैबीच इरान र अमेरिकाबीच इस्लामाबादमा हुने भनिएको दोस्रो चरणको वार्ता भने हुन सकेको छैन । इरानले अहिलेसम्म अमेरिकासँग सम्झौतामा सहमति जनाएको छैन ।

पहिलो चरणको वार्तामा इरानले युद्धविराममा लेबनानमा भइरहेको लडाइँ रोक्ने विषय अनिवार्य रूपमा समावेश गर्नुपर्ने सर्त राखेको थियो ।