पहलगाम घटनाको एक बर्षमा मोदीले भने- कुनै पनि प्रकारको आतङ्कवाद अगाडि झुक्दैनौं

काठमाडौँ: पहलगाममा भएको आतङ्कवादी आक्रमणको आज एक वर्ष पूरा भएको छ । उक्त घटनामा ज्यान गुमाएका निर्दोष नागरिकको सम्झनामा भारतका प्रधानमन्त्री नरेन्द्र मोदीले श्रद्धाञ्जली व्यक्त गरेका छन् ।

प्रधानमन्त्री मोदीले सामाजिक सञ्जालमार्फत सन्देश दिँदै सो घटनामा ज्यान गुमाएकालाई कहिल्यै नबिर्सने बताएका छन् । उनले राष्ट्रका रूपमा भारत दुःख र संकल्पका साथ एकजुट रहेको उल्लेख गरेका छन् ।

उनले भारत कुनै पनि प्रकारको आतङ्कवाद अगाडि नझुक्ने स्पष्ट पार्दै आतङ्ककारीका योजनाहरू कहिल्यै सफल नहुने बताएका छन् ।

यसैगरी भारतका गृहमन्त्री अमित शाहले पनि घटनाको एक वर्ष पूरा भएको अवसरमा श्रद्धाञ्जली व्यक्त गरेका छन् । उनले निर्दोष नागरिक गुमाउनु परेको पीडा अझै पनि प्रत्येक भारतीयको मनमा जीवित रहेको बताएका छन् ।