मोदी इजरायल भ्रमणमा जाँदै

२०८२ फाल्गुण १३ बुधवार

(विश्व घटना)

सारांश

भारतका प्रधानमन्त्री नरेन्द्र मोदी आजदेखि दुई दिने औपचारिक भ्रमणका लागि इजरायल प्रस्थान गर्दैछन् । सन् २०१७ पछि उनको यो दोस्रो इजरायल भ्रमण हो ।

काठमाण्डौ, १३ फाल्गुण । भारतका प्रधानमन्त्री नरेन्द्र मोदी आजदेखि दुई दिने औपचारिक भ्रमणका लागि इजरायल प्रस्थान गर्दैछन् । सन् २०१७ पछि उनको यो दोस्रो इजरायल भ्रमण हो ।

तेल अवीव पुगेपछि उनले प्रधानमन्त्री बेन्जामिन नेतन्याहूसँग द्विपक्षीय वार्ता गर्ने कार्यक्रम छ । भ्रमणका क्रममा उनले इजरायलको संसदलाई सम्बोधन गर्नेछन् । साथै, त्यहाँ रहेका भारतीय समुदायसँग भेटघाट गर्ने र प्रविधि प्रदर्शनी अवलोकन गर्ने कार्यक्रम तय भएको छ ।

यस अवसरमा मानवरहित हवाई साधन, क्षेप्यास्त्र प्रतिरक्षा प्रणाली तथा अन्य सैन्य उपकरणसम्बन्धी सहकार्यका विषयमा छलफल हुने जनाइएको छ । इजरायलले आफ्नो हवाई प्रतिरक्षा प्रणाली ‘आइरन डोम’ सम्बन्धी प्रविधि साझेदारी गर्न सक्ने सम्भावना रहेको बताइएको छ ।

भ्रमणका क्रममा प्रधानमन्त्री मोदीले होलोकास्ट स्मारक याद वाशेममा श्रद्धाञ्जली अर्पण गर्नेछन् र राष्ट्रपति इसाक हर्जोगसँग भेटवार्ता गर्ने कार्यक्रम रहेको बताइएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट