जापानी भूभागमा उत्तर कोरियाको ब्यालिस्टिक क्षेप्यास्त्र प्रहार

काठमाडौँ : उत्तर कोरियाले आइतबार जापानी भूभागमा ब्यालिस्टिक क्षेप्यास्त्र प्रहार गरेको छ । 

स्थानीय समाचार आउटलेट द जापान टाइम्सले रक्षामन्त्री शिन्जिरो कोइजुमीलाई उद्धृत गर्दै उत्तर कोरियाले कम्तिमा दुई क्षेप्यास्त्र प्रहार गरेको बताएको छ ।

रिपोर्ट अनुसार, दुबै क्षेप्यास्त्रहरू जापानको विशेष आर्थिक क्षेत्र बाहिर खसेको बताइएको छ । यो क्षेत्र जापानको तटबाट २०० समुद्री माइल (३७० किलोमिटर) फैलिएको छ र क्षेप्यास्त्रहरू जापानको सागरमा खसेका छन् ।

सोही रिपोर्टले रक्षामन्त्री कोइजुमीलाई उद्धृत गर्दै भनेको छ- 'उत्तर कोरियाको बारम्बार ब्यालिस्टिक क्षेप्यास्त्र प्रक्षेपणले हाम्रो क्षेत्र र अन्तर्राष्ट्रिय समुदायको शान्ति र सुरक्षाको लागि खतरा निम्त्याउँछ ।'

क्षेप्यास्त्रहरूले लगभग ९५० किलोमिटरको दूरी तय गरेको बताइएको छ । यसको अर्थ दक्षिणी जापानको ठूलो भाग उनीहरूको प्रहार दायरा भित्र पर्छ, जहाँ अमेरिका र जापान आत्म-रक्षा बलका महत्त्वपूर्ण सैन्य अड्डाहरू पनि रहेका छन् ।