ट्रम्पको निशानामा युरोपका नेताहरु

काठमाडौँ: अमेरिकी राष्ट्रपति डोनाल्ड ट्रम्पले फेरि एक पटक युरोपेली देशहरूको कडा आलोचना गरेका छन् । उनले युरोपेली नेताहरूलाई कमजोर भन्दै अमेरिकाले युक्रेनलाई दिएको समर्थन घटाउन सक्ने संकेत पनि दिएका छन् ।

पोलिटिकोसँगको एक अन्तर्वार्तामा ट्रम्पले युरोपका नेताहरुले आफ्नो महत्व गुमाउँदै गएको आरप लगाउदै उनीहरुले न त आप्रवासन नियन्त्रण गर्न सकेका छन् न त रूससँग चलिरहेको युद्ध अन्त्य गर्न ठोस कदम चाल्न सकेको बताए ।

उनले युरोपेली देशहरूलाई युक्रेनलाई अन्तिम साससम्म लड्न अनुमति दिएको आरोप लगाए । युरोपेली नेताहरूले युद्ध अन्त्य गर्ने अमेरिकी नेतृत्वको प्रयासमा आफ्नो भूमिका निर्धारण गर्न खोजिरहेको बताउदै ट्रम्पले द्रुत समाधानले महादेशको दीर्घकालीन हितलाई हानि पुर्‍याउन सक्छ भन्ने डर उनीहरुलाई भएको टिप्पणी गरेका छन् ।