चक्रवातपछि आएको बर्षा र बाढीबाट इन्डोनेसियामा ४०० भन्दा बढीको मृत्यु

काठमाडौँ : चक्रवातका कारण भएको भारी वर्षाका कारण इन्डोनेसियामा मृत्यु हुनेको संख्या ४०० भन्दा बढी पुगेको छ ।

इन्डोनेसियाका राष्ट्रपति प्रबोवो सुबियान्तोले बाढी प्रभावित क्षेत्रहरूको भ्रमण गरेका छन् । अझै पनि धेरै क्षेत्रहरू अझै पनि प्रमुख शहरहरूबाट विद्युत लाइन काटिएको छ र केही क्षेत्रहरू पाँच दिनदेखि मोबाइल सिग्नलविहीन छन् । 

उष्णकटिबंधीय आँधी कोटो भियतनाम नजिकै जमिनमा आएपछि थप तीन जनाको मृत्यु भएको छ ।

गत महिनाको सुरुमा भियतनामले दिनभरि भारी वर्षाको अनुभव गरेको थियो जसमा कम्तिमा ९० जनाको मृत्यु भएको थियो । त्यस्तै थाइल्याण्डमा १७० र मलेसियामा तीन जनाको मृत्यु भएको पुष्टि भएको छ ।

नोभेम्बरको सुरुमा फिलिपिन्समा आएको आँधीमा ३०० जनाको मृत्यु भएको थियो ।