भेनेजुएलासँग तनाव बढिरहेका बेला अमेरिकी युद्धपोत क्यारेबियन क्षेत्रमा तैनाथ

एजेन्सी, २६ कार्त्तिक । भेनेजुएलासँग तनाव बढिरहेका बेला अमेरिकाले क्यारेबियन क्षेत्रमा आफ्नो सबैभन्दा ठुलो युद्धपोत तैनाथ गरेको छ ।

विश्वको सबैभन्दा ठूलो युद्धपोत, यूएसएस जेराल्ड आर. फोर्डको नेतृत्वमा रहेको अमेरिकी नौसेना स्ट्राइक फोर्स क्यारिबियन सागरमा आइपुगेको अमेरिकी नौसेनाले पुष्टि गरेको छ ।

राष्ट्रपति डोनाल्ड ट्रम्पले गत महिना क्यारिबियनमा यो स्ट्राइक फोर्स तैनाथ गर्ने आदेश दिएका थिए । यो तैनाथी यस्तो समयमा आएको हो जब कथित लागूपदार्थ तस्करहरूमाथि अमेरिकी आक्रमणहरू जारी रहेका छन्, जसले अमेरिका र भेनेजुएला बीच तनाव बढाइरहेको छ ।

हालसम्म, अमेरिकाले क्यारिबियन र पूर्वी प्रशान्त क्षेत्रमा कम्तिमा १९ वटा आक्रमण गरिसकेको छ, जसमा कम्तिमा ७६ जनाको मृत्यु भएको छ ।

भेनेजुएलाका राष्ट्रपति निकोलस मादुरो र अन्य अधिकारीहरूले अमेरिकाले देशको वामपन्थी समाजवादी सरकारलाई उल्टाउने प्रयास गरेको आरोप लगाएका छन् ।