चार्ली कर्कको हत्यामा संलग्न संदिग्धको तस्बिर जारी

एजेन्सी, २७ भाद्र । एफबीआईले अमेरिकामा चार्ली कर्कको मृत्युको घटनामा संलग्न एक संदिग्धको तस्बिरहरू जारी गरेको छ । यस घटनामा अहिलेसम्म कुनै पनि संदिग्ध हिरासतमा छैन, तर प्रहरीले उक्त व्यक्तिको नाम प्राप्त गरेको छ, जसको तस्वीर बाहिर आएको छ ।

यसअघि, एफबीआईले यस घटनासँग सम्बन्धित जानकारीको लागि एक लाख डलरको इनाम घोषणा गरेको थियो ।

गोलीबारी भएको ठाउँ नजिकैको जङ्गलमा राइफल फेला परेको छ । अधिकारीहरूले संदिग्ध व्यक्ति कलेजको विद्यार्थी जस्तो देखिएको बताएका छन् र गोली हानेपछि, उनी छतबाट तल घाँसे मैदानमा हाम फाले र भागे, त्यसपछि कार पार्क हुँदै बाहिर निस्किएको बताएका छन् ।

चार्ली कर्क अमेरिकाका उच्च-प्रोफाइल कन्जर्भेटिभ कार्यकर्ता र मिडिया व्यक्तित्वहरू मध्ये एक थिए । कर्क अमेरिकी राष्ट्रपति डोनाल्ड ट्रम्पका विश्वासपात्र सहयोगी पनि थिए । ३१ वर्षीय कर्क देशभरका कलेज क्याम्पसहरूमा खुला-हावा बहस आयोजना गर्नका लागि परिचित थिए । बुधबार युटाको एक कलेजमा उनको गोली हानी हत्या गरिएको थियो।