- पाकिस्तानी मिडिया जियो न्यूजका अनुसार सबैभन्दा धेरै मृत्यु खैबर पख्तुनख्वा प्रान्तमा भएको छ, जहाँ नदीको बाढी र घरहरू भत्किँदा ३२८ जनाको मृत्यु भएको छ ।
काठमाडौँ : पाकिस्तानमा बाढीमा मृत्यु हुनेको संख्या ३५० नाघेको छ ।
पाकिस्तानी मिडिया जियो न्यूजका अनुसार सबैभन्दा धेरै मृत्यु खैबर पख्तुनख्वा प्रान्तमा भएको छ, जहाँ नदीको बाढी र घरहरू भत्किँदा ३२८ जनाको मृत्यु भएको छ ।
त्यस्तै गिलगित बाल्टिस्तान मा १२ जना र पाकिस्तान प्रशासित जम्मू कश्मीरमा ११ जनाको मृत्यु भएको छ । बाढीमा परेर अझै १३४ जना बेपत्ता रहेको बताइएको छ । त्यस्तै १५९ भन्दा बढी घाइतेको विभिन्न अस्पतालमा उपचार भइरहेको स्थानीय मिडियाहरुले उल्लेख गरेका छन् । अहिलेसम्म बाढीबाट प्रभावित ३५ सय भन्दा बढीको उद्धार गरिएको छ ।
भारी वर्षाका कारण शुक्रबार पाकिस्तानका विभिन्न जिल्लाहरूमा अचानक बाढी आएको थियो । विभिन्न नौ जिल्लाहरूमा लगभग २ हजार उद्धारकर्मीहरू उद्धारमा संलग्न रहेको र अझै पनि सबै ठाउमा उद्धार गर्न नसकेको बताइएको छ ।
भारी वर्षाका कारण धेरै क्षेत्रमा पहिरो गएको र धेरै सडकहरू बगाएका छन्, जसले गर्दा सहायता पुर्याउन समस्या भइरहेको खैबर पख्तुनख्वाको उद्धार एजेन्सीका प्रवक्ता बिलाल अहमद फैजीले बताएका छन् । सडक नहुदा विशेष गरी भारी मेसिनरी र एम्बुलेन्सहरू पुर्याउन कठिनाइ भएको उनले बताएका छन् ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
विश्वकपबाट चर्चा आएको केप भर्डे कहाँ छ, यो कस्तो देश हो ?
सीमित स्रोत र कठिन परिस्थितिबीच पनि यो देश आज फुटबलको माध्यमबाट विश्वभर आफ्नो पहिचानको दायरा बढाउन सफल भएको छ ।
