यमनको तटमा डुङ्गा पल्टिँदा ५० भन्दा बढी आप्रवासीको मृत्यु

एजेन्सी, १९ श्रावण । यमनको तटमा खराब मौसमका कारण डुङ्गा पल्टिँदा ५० भन्दा बढी आप्रवासीको मृत्यु भएको छ । डुङ्गामा करिब १५० जना सवार थिए । 

स्थानीय अधिकारीहरूका अनुसार दुर्घटना यमनको दक्षिणी प्रान्त अब्यान नजिकै भएको हो ।

अब्यान सुरक्षा निर्देशनालयले तटीय क्षेत्रको ठूलो भागबाट धेरै शवहरू निकालिएको र खोजी कार्य जारी रहेको बताएको छ । अन्तर्राष्ट्रिय आप्रवासन संगठनका अनुसार, मृतकहरूमध्ये अधिकांश इथियोपियाली नागरिकहरू रहेको र घटना हृदयविदारक भएको बताएको छ ।

यमन अफ्रिकाको हर्नबाट खाडी देशहरूमा यात्रा गर्ने आप्रवासीहरूको लागि एक प्रमुख मार्ग हो । अन्तर्राष्ट्रिय आप्रवासन संगठनले हालका महिनाहरूमा समुद्री दुर्घटनाहरूमा सयौं आप्रवासीहरू मरेका वा बेपत्ता भएको बताएको छ ।