गायिका टेलर स्विफ्ट कानुनी विवादमा

२०८२ चैत्र १७ मङ्गलवार
सारांश
  • अमेरिकी गायिका टेलर स्विफ्ट आफ्नो नयाँ एल्बमका कारण कानुनी विवादमा परेकी छन् ।

काठमाण्डौ, १७ चैत्र । अमेरिकी गायिका टेलर स्विफ्ट आफ्नो नयाँ एल्बमका कारण कानुनी विवादमा परेकी छन् । लस भेगासकी गायिका तथा लेखिका मारेन वेडले एल्बमको नाम आफ्नो दर्ता गरिएको पहिचानसँग मिल्दोजुल्दो भएको भन्दै अदालतमा मुद्दा दायर गरेकी हुन् । वेडले उक्त नामले उनको स्थापित पहिचानमा असर पुगेको दाबि गरेकी छन् ।

 

क्यालिफोर्नियाको संघीय अदालतमा दायर मुद्दामा वेडले नाम दुरुपयोग, गलत नामकरण र अनुचित प्रतिस्पर्धाको आरोप लगाएकी छन् । उनले क्षतिपूर्ति माग गर्नुका साथै सो नाम प्रयोगमा रोक लगाउन अदालतसँग आदेशको माग गरेकी छन् ।

 

वेड एकल प्रस्तोता हुन् र उनी एक चर्चित प्रतिभा कार्यक्रममा समेत सहभागी भइसकेकी छन् । उनले आफ्नो पहिचान निर्माण गर्न दशकभन्दा बढी समय खर्चिएको बताएकी छन् । सन् २०१४ देखि उनले एक पत्रिकामा आफ्नो अनुभव समेटिएको स्तम्भ लेख्दै आएकी छन्, जुन पछि कार्यक्रम, सङ्गीत प्रस्तुति र अन्य माध्यममा विस्तार भएको छ ।

 

उक्त एल्बम गत वर्ष सार्वजनिक गरिएको थियो । उजुरीमा एल्बमको नाम विभिन्न वस्तु, लेबल र प्याकेजिङमा प्रयोग गरी दर्शक समूहलाई लक्षित गरिएको उल्लेख छ, जसलाई वेडले वर्षौंदेखि बनाएकी थिइन् ।

 

मुद्दामा जनाइए अनुसार सो नाम दर्ता गराउने प्रयास गर्दा समानता देखिएकै कारण आवेदन अस्वीकृत भएको थियो । दुवै नाममा एउटै शब्द समूह प्रयोग भएकाले दर्शक तथा श्रोतामा भ्रम उत्पन्न हुने दाबी गरिएको छ ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

विशेष

बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?

बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।

थप समाचार