विश्वकप फुटबलबाट बाहिरिए यी १६ देश

काठमाण्डौ, १४ अषाढ़ । जारी फिफा विश्वकप फुटबलको समुह चरणका खेल सकिदा ३२ देश नकआउट चरणमा पुगेका छन् भने १६ देश विश्वकपबाट बाहिरिएका छन् ।

इरान, दक्षिण कोरिया, स्कटल्याण्ड र उरुग्वे नजिक पुगेर पनि नकआउट चरणमा छनौट हुन सकेनन् । उनीहरु आ-आफ्नो समुहमा तेस्रो भएर उत्कृष्ट आठमा पर्न नसकेपछि बाहिरिएका हुन् ।

त्यस्तै, पानामा, उज्बेकिस्तान, जोर्डन, इराक, साउदी अरेबिया, न्यूजील्याण्ड, ट्युनिसिया, कुराकाओ, टर्की, हैटी, कतार र चेक रिपब्लिक पनि समुह चरणबाट बाहिरिएका छन् ।

पहिलो पटक ४८ देशले भाग लिएको यस विश्वकपमा १६ देश बाहिरिँदा ३२ देशले नकआउट चरण खेल्ने छन् । अब राउण्ड ३२, राउण्ड १६ हुदै प्रतियोगिता फाइनलतर्फ अगाडी बढ्ने छ ।