पञ्जाब किङ्सका कप्तान अय्यरसहित पुरै टिमलाई जरिवाना

काठमाडौँ । इन्डियन प्रिमियर लिग (आइपिएल) अन्तर्गत सातौँ खेलमा पञ्जाब किङ्सले चेन्नई सुपर किङ्सलाई पराजित गरेको छ । जित हासिल गरे पनि पञ्जाबका कप्तान श्रेयस अय्यर भने स्लो ओभर रेटका कारण जरिवानामा परेका छन् ।

प्रतियोगिताको नियम उल्लङ्घन गरेपछि अय्यरलाई २४ लाख भारतीय रुपैयाँ जरिवाना गरिएको छ । यो सिजनमा पञ्जाब किङ्सको दोस्रो पटकको ओभर रेट सम्बन्धी गल्ती भएकाले कप्तान मात्र होइन, टोलीका अन्य खेलाडी पनि कारबाहीमा परेका छन् । प्लेइङ- ११ र इम्प्याक्ट खेलाडीलाई ६ लाख भारु वा उनीहरूको खेल शुल्कको २५ प्रतिशतमध्ये जुन कम हुन्छ, त्यति रकम जरिवाना तोकिएको छ ।

प्रतियोगिता नियमअनुसार अब फेरि यस्तै गल्ती दोहोरिएमा अय्यरलाई ३० लाख भारु  जरिवानासँगै एक खेल प्रतिबन्धसमेत लाग्नेछ । लिग चरणमा अझै धेरै खेल बाँकी रहेकाले पञ्जाबका लागि अब थप गल्तीको ठाउ साघुरिएको छ ।

खेलमा अय्यरले ब्याटिङतर्फ उत्कृष्ट प्रदर्शन गरेका थिए । उनले २९ बलमा ५० रन बनाउदै टोलीलाई जिततर्फ डोर्‍याएका थिए । नेहल वाधेरासँग मिलेर उनले ५९ रनको महत्वपूर्ण साझेदारी गरेका थिए, जसले खेलको दिशा नै बदल्यो । पञ्जाबले २०९ रनको लक्ष्य ५ विकेट गुमाउँदै सहज रूपमा पूरा गरेको थियो ।

यसअघि टस जितेर पहिले ब्याटिङ गरेको चेन्नई सुपर किङ्सले ५ विकेट गुमाएर २०९ रन बनाएको थियो । चेन्नईका युवा ब्याट्सम्यान आयुष म्हात्रेले ४३ बलमा ७३ रनको आकर्षक इनिङ्स खेलेका थिए। उनले कप्तान ऋतुराज गायकवाडसँग ९६ रनको साझेदारी गरेका थिए ।

आफ्नो सक्रियतालाई थप गति दिँदै शुक्रबार अर्थमन्त्री वाग्ले देशकै प्रमुख व्यापारिक नाका वीरगन्ज पुगेका थिए । आन्तरिक राजस्व कार्यालय र वीरगन्ज भन्सारको निरीक्षण गर्दै उनले सेवाग्राहीलाई अनावश्यक दुःख नदिन र लाइनमा नराख्न निर्देशन दिएका थिए । लक्ष्यभन्दा बढी राजस्व संकलन गर्नुपर्ने दबाबमा रहेका कर्मचारीहरूलाई उहाँले व्यावसायिक र पारदर्शी ढंगले काम गर्न सचेत गराए ।

अर्थमन्त्रीका रूपमा डा. वाग्लेको पहिलो साताले राज्य संयन्त्रमा नयाँ उत्साह र निजी क्षेत्रमा सकारात्मक आशा जगाएको छ । नीतिगत गाँठो फुकाउने, कर्मचारीलाई जबाफदेही बनाउने र ठुला व्यवसायीदेखि साना उद्यमीसम्मलाई ‘गरिखाने’ वातावरण बनाउने उनको सुरुआती कदमले आगामी बजेट र आर्थिक सुधारको दिशा कस्तो हुनेछ भन्ने स्पष्ट संकेत गरेको छ ।

यद्यपी, पश्चिम एशियामा जारी इरान र इजरायल बिचको द्वन्द्व कारण देशभित्र बढ्दै गएको महंगी र मूल्यवृद्धिका बारेमा भने अर्थमन्त्री वाग्लेले हालसम्म कुनै चासो देखाएको देखिदैन् । खाना पकाउने एलपी ग्यासको अभाव, पेट्रोल, डिजेल र हवाई इन्धनको मूल्यवृद्धि कारण आम उपभोक्ताको ढाड सेकीरहेको अवस्थामा उपभोक्तालाई कसरी राहत दिने भन्ने बारेमा भने अर्थमन्त्रीको ध्यान खिच्न सकेको छैन् ।