नेकपा सांसद युवराज दुलालको चेतावनी- सदन मन्त्रीले सांसदलाई थर्काउन थलो होइन
३० आषाढ़, २०८३, मगलवार
- त्यस्तै दुलालले गृहमन्त्री सुदन गुरुङको विषयको छानबिन प्रतिबेदन सार्बजनिक नगरेर भदौ २३ र २४ को घटनामा मानव अधिकार आयोगले प्रश्न उठाएका व्यक्तिलाई पुनः गृहमन्त्री बनाएको बताए ।
काठमाडौं: नेपाली कम्युनिष्ट पार्टी (नेकपा) का सांसद युवराज दुलालले सदन मन्त्रीले सांसदलाई थर्काउन थलो नभएको बताएका छन् ।
मंगलबार प्रतिनिधिसभाको बैठकमा सांसद दुलालले सदन मन्त्रीले सांसद थर्काउने थलो नभएको बताउदै प्रधानमन्त्री संसदमा आएर जनतालाई आश्वस्त पार्नुपर्ने बताएका हुन् ।
उनले भने- '१०० दिन पनि सरकार पुग्यो । मधुमास पनि सकियो । अब प्रधानमन्त्री संसदमा आउनु पर्छ र जनतालाई आश्वस्त पार्नु पर्छ । यो सदन मन्त्रीले सांसद थर्काउने थलो होइन । संसद् सांसदले सरकारलाई प्रश्न गर्ने र सांसदका प्रश्नको सरकारले जवाफ दिने थलो हो । संसद् सरकारलाई जवाफदेही बनाउने थलो हो ।’
उनले महँगीको प्रत्यक्ष मार गरिब श्रमिक वर्गमा परेको विषय उठाउदै महँगी, कालोबजारी र बिचौलिया तन्त्र नियन्त्रण गरी जनतालाई राहत दिनमा केन्द्रित हुन सरकारलाई सुझाव दिए ।
त्यस्तै दुलालले गृहमन्त्री सुदन गुरुङको विषयको छानबिन प्रतिबेदन सार्बजनिक नगरेर भदौ २३ र २४ को घटनामा मानव अधिकार आयोगले प्रश्न उठाएका व्यक्तिलाई पुनः गृहमन्त्री बनाएको बताए ।
साथै उनले गृहमन्त्रीको सम्पत्ति छानबिन गरियो के रहेछ त ? भन्दै प्रतिवेदन सार्वजनिक गर्न सार्बजनिक गर्न र संसद्लाई जवाफ दिन आग्रह गरेका छन् ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
विश्वकपबाट चर्चा आएको केप भर्डे कहाँ छ, यो कस्तो देश हो ?
सीमित स्रोत र कठिन परिस्थितिबीच पनि यो देश आज फुटबलको माध्यमबाट विश्वभर आफ्नो पहिचानको दायरा बढाउन सफल भएको छ ।
