गृहमन्त्री लेखकको प्रश्न: रवि लामिछाने कुन भिसामा अमेरिका गएका थिए?

काठमाडौँ: गृहमन्त्री रमेश लेखकले राष्ट्रिय स्वतन्त्र पार्टी (रास्वपा) का सभापति रवि लामिछाने अमेरिकामा कुन भिसामा गएका थिए भन्ने विषयमा स्पष्टता माग गरेका छन्।

आज बसेको प्रतिनिधिसभा बैठकमा बोल्दै गृहमन्त्री लेखकले लामिछाने कुनै समय सहकारी प्रकरणमा हिरासतमा रहेका बेला अमेरिका गएको भन्दै त्यसबेला प्रयोग गरिएको भिसा प्रकारबारे प्रश्न उठाएका हुन्।

“मैले सुनेको छु, उहाँ भिजिट भिसामा अमेरिका जानुभएको थियो। यदि त्यस्तो हो भने, भिजिट भिसामा गएर त्यहाँको नागरिकता लिन पाइन्छ कि पाइँदैन?” गृहमन्त्री लेखकले प्रश्न गरे।

उनले भिजिट भिसाको दुरुपयोग गर्नेहरू नै अहिले नैतिकताको पाठ पढाउन लागिपरेको भन्दै व्यङ्ग्य पनि गरे।

सांसदहरूले भिजिट भिसा प्रकरणमा गृहमन्त्रीमाथि छानबिनको माग गरिरहेकै सन्दर्भमा गृहमन्त्री लेखकले रास्वपालाई लक्षित गर्दै यस्तो टिप्पणी गरेका हुन्।