‘नेपाललाई आत्मनिर्भर, स्वावलम्वी एवम् स्वाधिन अर्थतन्त्रमा जोड दिनुपर्छ’

काठमाडौं :  उपराष्ट्रपति रामसहाय प्रसाद यादवले नेपाललाई आत्मनिर्भर, स्वालम्वी एवम् स्वाधिन अर्थतन्त्रको विकासमार्फत अघि बढाउन जरुरी रहेको बताएका छन् । 

सोमवार नेपाल विश्व सम्बन्ध परिषदको ७७ औँ बार्षिक सभामा बोल्दै उनले नेपाललाई आत्मनिर्भर बनाउन नेपाल विश्व सम्बन्ध परिषदको जिम्मेवारी बढेको भन्दै यस्तो धारणा राखेका हुन् । 

उनले भने, ‘नेपाललाई आत्मनिर्भर, स्वाभलम्बी एवम् स्वाधिन अर्थतन्त्रको विकासमार्फत अघि बढाउन जरुरी छ । यसमा सबैको योगदान अनिवार्य छ । यस सन्दर्भमा यस परिषदको जिम्मेवारी झनै बढ्दो छ ।’ 

उपराष्ट्रपति यादवले नेपाल स्तरोन्नती हुनेक्रममा रहेकाले विकास साझेदारीहरुबाट स्रोत साधन प्रविधिलगायत आर्थिक साझेदारीका लागि अपेक्षा गरिएको पनि बताए ।

  
यसका साथै, उनले भू–राजनीतिक अवस्था, असमानता, आर्थिक संकट र जलवायु परिवर्तनले ल्याएको संकटले विश्व शान्ति समृद्धिमा नयाँ चुनौति थपिएको बताए ।