एनआइएचएस र नेपाल लाइफको साझेदारीमा दुईदिने निःशुल्क स्वास्थ्य शिविर हुँदै

काठमाडौं : नागरिकको स्वास्थ्यप्रति सचेतना अभिवृद्धि गर्ने उद्देश्यले नेपाल लाइफ इन्स्योरेन्स कम्पनी लिमिटेडले दुईदिने निःशुल्क स्वास्थ्य शिविरको आयोजना गर्न लागेको छ । 

कम्पनीले आगामी आइतबार र सोमबार नेपाल इन्टरनेशनल हेल्थ सर्भिस एनआइएचएस (ल्क्ष्ज्क्) क्लिनिकसँगको प्राविधिक साझेदारीमा कमलादीस्थित केन्द्रिय कार्यालयमा शिविर सञ्चालन गर्न लागेको हो ।

शिविर आइतबार बिहान ११ बजेदेखि साँझ ५ बजेसम्म र सोमबार बिहान ९ बजेदेखि दिउँसो १ बजेसम्म सञ्चालन हुनेछ । कार्यक्रम कम्पनीको केन्द्रिय कार्यालय, कमलादीमा हुनेछ ।

शिविरमा सहभागीले निःशुल्क सामान्य स्वास्थ्य परीक्षण, रक्तचाप, मधुमेह (सुगर) परीक्षण, कोलेस्ट्रोल, ट्राइग्लिसराइड, युरिक एसिड जाँच, तथा विशेषज्ञ चिकित्सकसँग परामर्श सेवासमेत प्राप्त गर्न सक्नेछन् ।

एनआइएचएस क्लिनिकले सम्पूर्ण नागरिकलाई आफ्नो स्वास्थ्यप्रति सजग बन्न आह्वान गर्दै यस अवसरमा शिविरमा उपस्थित भई लाभ लिन आग्रह समेत गरेको छ ।