नेपाली चियाको भारत निर्यातको अवरोध हटेको सरकारको दाबि
८ जेठ, २०८३, शुक्रवार
- मन्त्रालयका प्रवक्ता लोकबहादुर पौडेल क्षेत्रीले भारतीय टी बोर्डले जारी गरेको निर्देशिकाका कारण नेपाली चिया निर्यातमा परेको प्रभाव कूटनीतिक पहलपछि समाधान भएको जानकारी दिएका हुन् ।
काठमाडौँ: सरकारले नेपाली चियाको भारत निर्यातमा देखिएको अवरोध हटेको बताएको छ ।
परराष्ट्र मन्त्रालयले शुक्रबार नियमित पत्रकार सम्मेलनमार्फत नेपाली चियाको भारत निर्यातमा देखिएको अवरोध हटेको बताएको हो ।
मन्त्रालयका प्रवक्ता लोकबहादुर पौडेल क्षेत्रीले भारतीय टी बोर्डले जारी गरेको निर्देशिकाका कारण नेपाली चिया निर्यातमा परेको प्रभाव कूटनीतिक पहलपछि समाधान भएको जानकारी दिएका हुन् । उनले नयाँ दिल्लीस्थित नेपाली दूतावास र मन्त्रालयको समन्वयपछि भारतीय पक्षले उक्त निर्देशिका संशोधन गरेसँगै नेपाली चियाको निकासी सहज भएको बताए ।
भारतको चिया बोर्डले गत फेब्रुअरी १० मा चिया आयातसम्बन्धी नयाँ निर्देशिका जारी गर्दै भारतमा चिया निर्यातका लागि निर्यातकर्ताहरूले 'स्ट्यान्डर्ड ओपरेटिङ प्रसीजर' को पालना गर्नुपर्ने व्यवस्था गरेको थियो । जस अनुसार प्रत्येक खेपको ढुवानीबाट चियाको नमुना लिएर प्रयोगशालबाट परीक्षणमा पास भएपछि मात्र निर्यात गर्न पाइने व्यवस्था गरिएको थियो । प्रति परीक्षण निर्यातकर्ताहरूले ११ हजार १२० भारु र आवश्यक जीएसटीबापत लाग्ने रकम तिर्नुपर्ने व्यवस्था गरिएको थियो । निर्देशिकानुसार प्रयोगशालाले १४ दिनभित्र परीक्षणको नतिजा उपलब्ध गराउनुपर्ने उल्लेख थियो ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।