युगकवि सिद्धिचरण श्रेष्ठको ११५औं जन्म जयन्ती मनाइँदै

२०८३ जेठ ०९ शनिवार

(कला/साहित्य)

सारांश

आज युगकवि सिद्धिचरण श्रेष्ठको ११५औं जन्म जयन्ती उनको सम्झना गरी मनाइँदैछ ।

काठमाण्डौ, ०९ जेठ । आज युगकवि सिद्धिचरण श्रेष्ठको ११५औं जन्म जयन्ती उनको सम्झना गरी मनाइँदैछ । युगकवि श्रेष्ठको जन्म विसं १९६९ साल जेठ ९ गते ओखलढुंगाको ओखलढुंगा बजारमा भएको हो ।

सिद्धिचरण श्रेष्ठ नेपाली र नेपाल (नेवारी) दुवै भाषामा कविता लेख्ने बहुभाषी कवि थिए । स्वच्छन्दतावादी काव्यधारका प्रवर्तक सिद्धिचरण श्रेष्ठ नेपाली साहित्यमा युगकवि र नेपाल भाषामा कविरत्नका रुपमा चिनिन्छन् । युगकवि श्रेष्ठले कविता, गीत, खण्डकाव्य, नाटक, पद्यनाटक, कथा, निबन्ध, समालोचना, यात्रा संस्मरण लगायतका विधामा कलम चलाएका थिए । उनको ‘मेरो प्यारो ओखलढुङ्गा’, ‘निर्झर’, ‘भीमसेन थापा’, ‘जूनकीरी’ लगायतका रचनाहरु चर्चामा छन् ।

त्यस्तै कविता सङ्ग्रह ‘मेरो प्रतिबिम्ब’, ‘कोपिला’, ‘कुहिरो र घाम’ लगायत, खण्डकाव्यहरु ‘उर्वशी’, ‘ज्यानमारा शैल’, ‘आँशु’ लगायतका कृति रहेका छन् ।

उनले भूकम्प तक्मा (१९९०), त्रिभुवन पुरस्कार (२०२७), रत्नश्री सुवर्ण पदक (२०३१), पृथी प्रज्ञा पुरस्कार (२०४५), वेधनिधि पुरस्कार (२०४६), गोरखा दक्षिण बाहु, त्रिशक्तिपट्ट, श्रीरामपट्ट आदि उल्लेख्य मान-सम्मान, पुरस्कारहरू पाएका थिए ।

युगकवि श्रेष्ठको २०४९ साल जेठ २२ गते निधन भएको थियो ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट