नेपाल युएईसँग ६ विकेटले पराजित

काठमाण्डौ, ०८ वैशाख । नेपाल युएईसँग पराजित भएको छ । हिजो युएईविरुद्धको २ खेलको टी-२० सिरिजको पहिलो खेलमा नेपाल ६ विकेटले पराजित भएको हो ।

बर्षाले प्रभावित खेलमा नेपालले दिएको १० ओभरमा ७८ रनको लक्ष्य पछाएको युएईले ८.५ ओभरमा ४ विकेट गुमाउदै लक्ष्य पुरा गरेको थियो ।

यसअघि बर्षाले खेल रोकिनु अघि नेपालले १८.५ ओभरमा ८ विकेट गुमाएर १२२ रन बनाएको थियो । टी-२० सिरिजको पहिलो खेला नेपालले टस जितेर पहिला ब्याटिंग गरेको थियो ।

नेपालका लागि कप्तान दिपेन्द्र सिंह ऐरीले सर्बाधिक ३२ रन बनाए भने कुशल मल्लले १७, कुशल भुर्तेलले १६, बसिर अहमदले १४, अर्जुन साउद र नन्दन यादवले १३-१३ रन बनाएका थिए ।

त्यस्तै युएईका बलर मुहमद जुहैबले ३ विकेट लिए भने जुनैद सिद्धिकीले २ तथा हैदर अली र मुहमद अरफानले एक एक विकेट लिएका थिए ।

यो जितपछि २ खेलको सिरिजमा युएई १-० ले अगाडी भएको छ । अब सिरिजको अर्को खेल भोली हुने तालिका रहेको छ ।