अल नासरसँग रोनाल्डो असन्तुष्ट !

काठमाण्डौ, २० माघ । क्रिस्टियानो रोनाल्डो साउदी क्लब अल नासरमा असन्तुष्ट भएको रिपोर्ट बाहिरिएको छ । सोमबार राति भएको अल नासरको खेलमा रोनाल्डो टिममा नभएपछि अनेक अड्कलबाजी शुरु भएको छ ।

केहि मिडिया रिपोर्टका अनुसार नयाँ खेलाडी भित्र्याउने बारे क्लब व्यवस्थापन र रोनाल्डोबीच विवाद भएपछि यस खेलमा उनी टिममा समावेश भएका छैनन् ।

अल नासरलाई साउदी अरबको पब्लिक इन्भेस्टमेन्ट फण्डले व्यवस्थापन गर्दछ । रोनाल्डो फण्डले अन्य क्लबको तुलनामा अल नासरलाई प्राथमिकता नदिएको भन्दै असन्तुष्ट भएको बताइएको छ । रोनाल्डोले अझै खेलाडी भित्राएर लिगमा नतिजा ल्याउने गरि खेल्नुपर्ने दबाब दिएपछि व्यवस्थापन असन्तुष्ट भएको पोर्चुगलको 'अ बोला' मिडिया आउटलेटले उल्लेख गरेको छ । यसै कारणले रोनाल्डो आज हुने अल रियादविरुद्धको खेलमा टिममा सामेल नभएको बताइएको छ ।

त्यस्तै केहि मिडिया आउटलेटहरुले रोनाल्डो अमेरिका जान सक्ने बताएका छन् । फुटबलमा आफ्नो क्यारियरको अन्तिम चरणमा रहेका कारण रोनाल्डोले हलिवुडमा जान खोजिरहेको र त्यसका लागि अमेरिकन मेजर लिग सकरमा जानसक्ने विश्लेषण गरिएको छ । यस बर्ष अमेरिकामा विश्वकप फुटबल समेत हुन लागेकोले रोनाल्डो त्यसअघि नै अमेरिकन लिगमा जान सक्ने विश्लेषण गरिएको छ ।