नेपाल र मलेसियाबीचको दोस्रो टी-२० खेल आज हुदै

काठमाडौँ, १८ असोज । नेपाली राष्ट्रिय महिला क्रिकेट टिमले मलेसियाविरुद्धको दोस्रो टी-२० सिरिजको दोस्रो खेल आज हुदैछ ।

मलेसियासँगको पहिलो खेलमा नेपाल पराजित भएको थियो । आज हुने दोस्रो खेल ७: ४५ बजेदेखि शुरु हुदैछ ।

नेपाल र मलेसियाबीच तेस्रो खेल ५ अक्टोबर, चौथो खेल ७ अक्टोबर र पाँचौं खेल ८ अक्टोबरमा हुने तालिका रहेको छ ।

नेपाल क्रिकेट संघ (क्यान)ले इन्दु बर्माको कप्तानीमा १४ सदस्यीय टोली मलेसियामा रहेको छ ।

जसमा पुजा महतो (उपकप्तान), रुबिना क्षेत्री, सीता राना मगर, राजमती ऐरी, सम्झना खड्का, कविता जोशी, रिया शर्मा, सोमु विस्ट, रचना चौधरी, रुबी पोद्दार, यशोधा विस्ट, साबित्री धाम र कविता कुँवर रहेका छन् ।