प्रथम नाखिल् राइनो कप फुटसल प्रतियोगिता (सेभेन ए साइड) फूलबारी एफ सीले जित्न सफल भएको छ

अबुधाबी: प्रथम नाखिल् राइनो कप फुटसल प्रतियोगिता (सेभेन ए साइड) फूलबारी एफ सीले जित्न सफल भएको छ ।

आयोजक नाखिल् गुर्खाज फुटबल क्लब रहेको उक्त प्रतियोगिता यहि फेब्रुअरी ८ देखि १० सम्म युएईको राजधानी अबुधाबीस्थित म्युनिसिपल रङ्गशालामा भएको थियो । युएईकै अर्को शहर दुबईबाट पाँचवटा टीम र अबुधाबीबाट पाँचवटा गरी जम्मा १० वटा टीमबिच भएको प्रतियोगिताको फाइनलमा फूलबारी एफ सी अबुधाबीले लमजुङ एफ सिलाई ५-३ गोल अन्तरले हराउँदै उपाधी चुम्न सफल भएको हो । 

विजेता टीम फूलबारी एफ सिले ट्रफी सहित नगद ४ हजार दिराम (डेढ लाख नेरु) र उपविजेता टीम लमजुङ एफ सीले ट्रफी सहित २ हजार ५ सय दिराम (पञ्चानब्बे हजार नेरु) हात पारेका छन् ।

७  गोल गर्दै विजेता टिमका खेलाडी शिव चौधरी (बंकु) सर्वाधिक गोलकर्ता भएका छन् भने सर्वोत्कृष्ट खेलाडी उप-विजेता टिमका जेनिस भएका छन् । त्यस्तै, विजेता टिमकै अर्का खेलाडी रोशन गुरुङ उत्कृष्ट गोल रक्षक छानिएका छन् ।

खेलको जीत सँगै उत्साहित टीम म्यानेजर सरोज उप्रेतीले अन्य थप खेलहरूमा पनि अब्बल नतिजा ल्याउन टीम बलियो अभ्यासमा जुट्ने बताएका छन् ।