कर्णालीविरुद्ध टस जितेर पहिले बलिङ गर्दै सुदूरपश्चिम

काठमाडौं: नेपाल प्रिमियर लिग (एनपीएल)अन्तर्गत लिग चरणको अन्तिम खेलमा सुदूरपश्चिमले टस जितेर पहिले बलिङ गर्ने निर्णय गरेको छ।

टियू मैदान कीर्तिपुरमा केही समय पछि सुरु हुने खेलमा सुदूरपश्चिमका कप्तान दीपेन्द्र सिंह ऐरीले टस जितेका हुन्। यो सँगै केही बेरमा कर्णाली ब्याटिङका लागि मैदान उत्रिने छ।

अहिलेसम्म सुदूरपश्चिमसँगै जनकपुर बोल्ट्स र चितवन राइनोजले प्लेअफमा स्थान पक्का गरिसकेका छन्। आजको खेलमा कर्णाली याक्स र काठमान्डु मध्ये अर्को एक टिमको भाग्य फैसला हुनेछ। 

आजको खेलमा सुदुरपश्चिमले फराकिलो अन्तरले कर्णालीलाई हराएमा काठमान्डु गुर्खाजको समेत प्लेअप सम्भावना रहने भएकाले काठमान्डुका लागि समेत यो खेल प्रतिक्षित छ।