लुम्बिनीको राम्रो सुरुवात, १६ रन दिएर लियो ३ विकेट

काठमाडौँ- नेपाल प्रिमियर लिग (एनपिएल) मा लुम्बिनीले बलिङमा पनि राम्रो सुरुवात गरेको छ।

लुम्बिनीले चितवनलाई १६ रन दिंदै महत्वपूर्ण तीन विकेट लियो। चितवनले ३.१ ओभरमा तीन विकेट गुमाएको हो।

उसका लागि सन्तोष कार्की १० रनमा आउट हुँदा विपिन रावल ५ रन बनाएर पेभिलियन फर्किए। त्यस्तै सोहिल तन्विर १ रनमा आउट हुँदा अहिले क्रिजमा लक बेनकेस्टाइन र रभि बोपरा रहेका छन्।

त्यसअघि पहिले ब्याटिङ गरेको लुम्बिनीले १ सय ६८ रनको लक्ष्य दिएको थियो। प्रतियोगितामा पहिलो जितको खोजिमा रहेको लुम्बिनीले टस हारेर पहिले ब्याटिङ गर्दै निर्धारित २० ओभरमा ६ विकेट गुमाएर १ सय ६७ रन बनायो।

उसका लागि रोहित पौडेलले ८० रनको सानदार अर्धशतकीय इनिङ खेलेका थिए।