दश खेलाडीमा सिमित नेपाल भारतलाई हराउँदै फाइनल प्रवेश

काठमाडौँ । रेफ्रीको विवादित निर्णयको वावजुद पनि नेपालले भारतलाई पेनाल्टी शुटआउटमा  ४-२ ले हराएर लगातार दोस्रो पटक साफ महिला च्याम्पियनसिपको फाइनलमा स्थान बनाउन सफल भएको छ ।

पहिलो हाफ गोलरहित बराबरीमा सकिएको थियो तर दोस्रो हाफ भने विवादित बन्यो । दोहोरो पहेँलो कार्ड सहित ५१औं मिनेटमा नेपालकी रेखा पौडेलले रातो कार्ड पाउदै मैदानबाट बाहिरिईन । गल्ती नदेखिई रातो कार्ड पाएको भन्दै खेल केहिबेर रोकियो ।

खेलको ७२ औँ मिनेटमा नेपालकी प्रीति राईले गरेको गोलमा सुरुमा रेफ्रिले गोलको मान्यता दिएपनि पछि दिईनन् । त्यसपछि पुनः खेल रोकिएको थियो । रोकिएको १ घन्टापछि खेल सुरु भएको थियो । खेल सुरु भएको केहि मिनेट मै नेपालीकी सावित्रा भण्डारीले बराबरी गोल फर्काएकी थिइन् ।

निर्धारित समयमा १-१ गोलको बराबरीमा सकिएपछि खेल सिधै पेनाल्टीसुटआउटमा गएको थियो । नेपालकी गोलकिपर अन्जना राना मगरले भारतको दुई प्रहार रोकिन र नेपालको जीत सम्भव भयो । यो सङ्गै नेपाल छैटौं पटक साफको फाइनलमा पुगेको हो । नेपालले अब उपाधिका लागि बुधबार बंगलादेशसँग खेल्नेछ ।

नेपालाई जिताउन महत्वपूर्ण भूमिका खेलेकी साम्बा खेलको प्लेअर अफ दि म्याच घोषित भइन् ।