हिसान बाग्मती प्रदेशको दोस्रो अधिवेशन सम्पन्न: अध्यक्षमा राजकुमार आचार्य

काठमाडौँ: उच्च शिक्षालय तथा माद्यमिक विद्यालय संघ नेपाल (हिसान) बाग्मती प्रदेशको दोस्रो अधिवेशन चैत्र ६ गते लाजिम्पाट स्थित दुसित प्रिन्सेसमा सम्पन्न भएको छ । 

युवा तथा खेलकुद मन्त्रि मा. तेजुलाल चौधरीको प्रमुख आतिथ्यतामा सम्पन्न भएको उक्त कार्यक्रममा शैक्षिक क्षेत्रलाइ प्रतिनिधित्व गर्ने विभिन्न गन्य मान्य व्यक्तिहरुको सहभागिता रहेको थियो ।

हिसान बागमती प्रदेश अध्यक्षमा राजकुमार आचार्यसहित सम्पूर्ण २१ सदस्यीय कार्यसमिति नै निर्विरोध निर्वाचित भएका हुन् । उपाध्यक्षमा, आनन्द कुमार यादव र सन्दिप श्रेष्ठ, सचिवमा मदन कुमार सुवेदी, सह-सचिवमा रमेश घिमिरे, कोषाध्यक्षमा जयराम वाग्ले निर्वाचित भएका छन् ।

सदस्यहरुमा, बुद्धिराम बन्जाडे, नन्दु कुशवाहा, बरुण पन्थी, विष्णु शर्मा, आर.डी भट्ट, सुदर्शन जमरकट्टेल, ऋतु न्यौपाने, होम बाहदुर अधिकारी, लक्ष्मण पोख्रेल, पेशल लुइटेल, आकाश पौडेल, राम प्रसाद बडाल, भुशील खनाल, सरोज महर्जन र नेत्र प्रसाद भुसाल निर्वाचित भएका हुन् ।

नब निर्बाचित कमिटिका अध्यक्ष राजकुमार आचार्यले अबको आफ्नो कार्यकालमा हिसान बाग्मती प्रदेशले विभिन्न कार्यक्रमहरु गर्दै निजि शैक्षिक संस्थालाइ थप गुणस्तरीय र प्रभाबकारी बनाउने प्रतिबद्धता जनाउनु भयो । करिब २०० भन्दा बढी कलेजको सहभागिता रहेको उक्त कार्यक्रमको संचालन आनन्द कुमार यादवले गर्नु भएको थियो ।