भूकम्प प्रभावित वालवालिका भन्छन् : ‘हाम्रो घर छिट्टै पुनर्निर्माण होस्’

एजेन्सी :  दक्षिणपश्चिम चीनको सिजाङ स्वायत्त क्षेत्रको भूकम्प प्रभावित डिङ्ग्री काउन्टीका बालबालिकाहरु मनोवैज्ञानिक असर कम गराउन अस्थायी मनोरञ्जन केन्द्रमा समय विताइरहेका छन् । 

उनीहरुले उद्धारकर्मीहरूप्रति कृतज्ञता व्यक्त गर्दै आफ्ना चित्र र शब्दहरूमार्फत राम्रो भविष्यको आशा समेत व्यक्त गरेका छन् । विपद्पछिको पुनःनिर्माण र पुनर्निर्माणको काम भइरहेकाले उद्धारकर्ताहरूले स्थानीय बालबालिकालाई मनोवैज्ञानिक रुपमा स्वस्थ्य बनाउन विभिन्न प्रयासहरु जारी राखेका छन् ।

उद्धारकर्ताहरुले बालबालिकाका लागि फुटबल खेल्ने मैदान एवम फराकिला कोठासहितको पुनर्वास स्थलका रुपमा विकास गरिरहेका छन् । उक्त स्थानमा बालबालिकाहरुले मनोरन्जन लिइरहेका छन् । चित्र हेर्न, कोर्न र विभिन्न खेलहरुमा रमाएर उनीहरुले समय कटाइरहेका छन् ।

बालबालिकाहरुले भविष्यका योजनाहरु पनि सुनाउने गरेका छन् । ‘मेरो चाहना छ विपद् छिट्टै अन्त्य होस् र हाम्रो घर छिट्टै पुनर्निर्माण होस्, ताकि हामी बस्नको लागि आनन्दित ठाउँ पाउन सकौं,’ एक बच्चाले भने ।

‘म जनताको सेवा गर्न सिपाही बन्न चाहन्छु,’अर्का बच्चाले भने । ‘म डाक्टर बन्न चाहन्छु किनभने डाक्टरहरूले धेरै मानिसहरूलाई निको हुन मद्दत गर्न सक्छन्,’ तेस्रो बच्चाले भने ।
‘म आफूलाई बलियो बनाउन चाहन्छु ताकि यदि फेरि विपद् आयो भने, म धेरै मानिसहरूलाई मद्दत गर्न सक्छु र धेरै मानिसहरू र खाँचोमा परेका ठाउँहरूलाई आर्थिक सहयोग गर्न सक्छु,’अर्को बच्चाले थपे।

जनवरी ७ गते राति ९ः०५ मा डिङ्ग्री, सिगाजेमा गएको ६.८ म्याग्निच्युडको भूकम्पमा १२६ जनाको ज्यान गएको थियो । माघ ९ गते बिहान ९ बजेसम्म तीन सय ३७ घाइतेको उपचार भइसकेको छ भने २४६ जना अस्पतालबाट डिस्चार्ज भएका छन् ।(सीसीटीभीप्लस)