रेशम चौधरीको टिप्पणी- कलिला जुंगा भएकाहरूले पनि देश बनाउने छनक देखाएनन्

१८ असोज, २०८३, आइतवार
सारांश
  • नागरिक उन्मुक्ति पार्टी नेपालका संरक्षक रेशम चौधरीले पुराना नेताहरूले देश बिगारेको र नयाँ पुस्ताका कलिला जुंगा भएकाहरूले पनि देश बनाउने संकेत नदेखाएको टिप्पणी गरेका छन् ।

काठमाडौं : नागरिक उन्मुक्ति पार्टी नेपालका संरक्षक रेशम चौधरीले पुराना नेताहरूले देश बिगारेको र नयाँ पुस्ताका कलिला जुंगा भएकाहरूले पनि देश बनाउने संकेत नदेखाएको टिप्पणी गरेका छन् । 

 

नेपाली कांग्रेसको १५औँ महाधिवेशनलाई सम्बोधन गर्दै चौधरीले अब आधाआधी कपाल फुलेका नेताहरूबाट भने देश बनाउने आशा रहेको बताए । उनले कांग्रेसले राणा शासन अन्त्य, कमैया मुक्ति र संविधान निर्माणमा महत्वपूर्ण भूमिका खेलेको स्मरण गरेका थिए ।

 

उनले भने- 'पहिले कपाल फुलेका नेताहरूले देश बिगारेको र अहिले कलिला जुंगा भएकाहरूले समेत देश बनाउने छनक देखाएका छैनन् । अब आधाआधी कपाल फुलेका नेताहरूले भने देश बनाउने आशा रहेको छ ।'

 

उनले संविधानमा अधिकार लेखिए पनि थारू समुदायले व्यवहारमा अधिकार नपाएको गुनासो गर्दै चौधरीले थारू समुदायबाट कहिले प्रधानसेनापति र मुख्यसचिव हुने भन्दै प्रश्न गरेका थिए ।

 

चौधरीले थारू समुदायको पहिचान कुनै धर्मसँग साट्न नसकिने बताउँदै टीकापुरलाई जिल्ला बनाउने पुरानो माग पूरा गर्नुपर्नेमा जोड दिए । उनले आफूलाई थारूको मात्र नेता भनेर बुझ्ने गरिएकोप्रति असन्तुष्टि जनाउँदै नेपालको राजनीतिमा जालझेल रहेको टिप्पणी गरेका थिए ।

 

 

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

विशेष

बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?

बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।

थप समाचार