रास्वपाको महाधिवेशनको तयारीका लागि कार्यतालिका सार्वजनिक

काठमाडौं: राष्ट्रिय स्वतन्त्र पार्टी (रास्वपा) ले प्रथम राष्ट्रिय महाधिवेशनको तयारीका लागि कार्यतालिका सार्वजनिक गरेको छ ।

आगामी असार ७, ८ र ९ गते चितवनमा हुने प्रथम राष्ट्रिय महाधिवेशनका लागि केन्द्रीय निर्वाचन आयोगले महाधिवेशनको तयारीका लागि तालिका सार्वजनिक गरेको हो । 

कार्यतालिकामा ७७ वटा जिल्ला र ७ वटै प्रदेशमा निर्वाचन समिति गठन जेठ ७ गतेदेखि १५ गतेसम्म, आधिकारिक परिपत्र तथा माइन्युट प्रतिलिपि जेठ १० गतेसम्म पठाउने, स्थानीय तथा जिल्ला अधिवेशनको प्रतिवेदन संकलन जेठ २० गतेसम्म गर्ने, महाधिवेशन प्रतिनिधिको नामावली पेश जेठ २५ गतेसम्म गर्ने, प्रदेश अधिवेशनका पदाधिकारीको विवरण पेश असार ५ गतेसम्म र निर्वाचनमा इलेक्ट्रोनिक भोटिङ मेसिन प्रयोगबारे छलफल असर ५ गतेसम्म गर्ने निर्वाचन आयोगले जानकारी दिएको छ ।