'बाँदर नियन्त्रण गर्न सरकारलाई सात दिनको अल्टिमेटम'

काठमाडौं: नेकपा एमालेका सांसद राजेन्द्रकुमार राईले सरकारलाई बाँदर नियन्त्रण गर्न र यस सम्बन्धि व्यवस्था बारे जानकारी गराउन सात दिनको अल्टिमेटम दिएका छन् ।

विहिबार प्रतिनिधिसभाको वैठकमा बोल्दै सांसद राईले गाउँघरमा बाँदरको समस्याले मानिसको बास उठाएको, मानिसले खाना खान समेत नपाएको बताउँदै यस विषयमा सरकार किन गम्भीर नभएको आरोप लगाउदै यो समस्या समाधान गर्न सात दिनको अल्टिमेटम दिएका हुन् ।

उनले तत्कालरुपमा बाँदरको समस्या समाधान गर्नका लागि सरकारलाई ध्यानाकर्षण गराउदै उनले अब सात दिनभित्र बाँदरको समस्या समाधानका लागि सरकारले पहल गरेन भने सबै सांसदहरुले कुरा उठाउने र सदन चल्न गार्हो हुने बताए ।