आफूमाथि कुनैपनि छानबिनका लागि तयार छु : प्रचण्ड

काठमाडौं: पुष्पकमल दाहाल प्रचण्ड ले आफू कुनैपनि प्रकारको छानबिनका लागि तयार रहेको बताएका छन्।

शनिबार नेपाली कम्युनिस्ट पार्टी (नेकपा) को केन्द्रीय कार्यालयमा सञ्चारकर्मीहरूसँग कुरा गर्दै पूर्वप्रधानमन्त्रीसमेत रहेका प्रचण्डले आफ्नो नेतृत्वमा भएका निर्णयहरूको जिम्मेवारी लिन आफू तयार रहेको स्पष्ट पारे।

उनले आफ्नो कार्यकालमा भएका सबै निर्णय पारदर्शी रहेको दाबी गर्दै आवश्यक परे जुनसुकै छानबिन सामना गर्न आफू डराउने पक्षमा नरहेको बताए।

‘मेरै पालामा निर्णय गरेको हो भनेर मैले धेरै पटक भनिसकेको छु। तपाईंहरूले बुझ्नु हुन्न कि के हो? सम्पूर्ण छानबिनका लागि म तयार छु,’ प्रचण्डले भने।

वर्तमान सरकारको कार्यशैलीबारे सोधिएको प्रश्नमा उनले अहिले नै टिप्पणी गर्ने समय नभएको प्रतिक्रिया दिएका थिए।