रास्वपाका नवनिर्वाचित सांसदहरुको अभिमुखीकरण कार्यक्रम आज सकिँदै

काठमाण्डौ, ०४ चैत्र । राष्ट्रिय स्वतन्त्र पार्टी (रास्वपा) को दुई दिवसीय अभिमुखीकरण कार्यक्रम आज समापन हुँदैछ । नवनिर्वाचित प्रतिनिधि सभा सदस्यका लागि अभिमुखीकरण कार्यक्रम मंलगबारदेखि शुरु भएको थियो ।

आज हुने समापन कार्यक्रममा सभापति रवि लामिछाने र वरिष्ठ नेता बालेन शाहसमेत सहभागी हुनसक्ने उपसभापति डिपी अर्यालले जानकारी दिएका छन् ।

अभिमुखीकरण कार्यक्रममा समुहमा छलफल, संसदको संरचना, अधिकार र जिम्मेवारी बारे प्रशिक्षण, कानुन निर्माणको प्रक्रियामा सांसदको भूमिका, चुनावी प्रतिवेदन प्रस्तुत र छलफल, विभिन्न विषय विज्ञहरुको प्रस्तुति लगायतका कार्यक्रम रहेको जानकारी दिइएको छ ।