जनमतको पार्टी कार्यलयमा सरकारी टोलीको अनुगमन र छलफल

काठमाडौँ : मन्त्रीहरुसहितको सरकारी टोलीले जनमत पार्टी कार्यालयको अनुगमन गरेको छ । 

बुधबार उद्योग, पर्यटन र कानुनमन्त्री अनिलकुमार सिंह, सरकारका प्रवक्ता समेत रहेका सञ्चार तथा सूचना प्रविधिमन्त्री जगदीश खरेल र प्रधानमन्त्रीका प्रमुख राजनीतिक सल्लाहकार अजयभद्र खनालले मध्यबानेश्वरस्थित जनमत पार्टीको केन्द्रीय कार्यालय पुगेर अनुगमन र छलफल गरेका हुन् ।

छलफलमा जनमत पार्टीका अध्यक्ष सिके राउतले तोकिएको समयमा निर्वाचन हुनुपर्ने बताएका थिए ।

यसअघि सरकारी टोलीले मंगलबार नेपाली काँग्रेस, नेकपा एमाले र नेपाली कम्युनिस्ट पार्टीको कार्यालय पुगेर अनुगमनका साथै नेताहरूसँग छलफल गरेको थियो । सरकारी टोली आजै राप्रपा र रास्वपाको कार्यालयमा पनि जाने कार्यक्रम रहेको छ ।