ओलीले फेरी भने- सुशिला कार्की सरकार असंबैधानिक हो

काठमाडौँ : नेकपा एमालेका अध्यक्ष केपी शर्मा ओलीले सुशिला कार्की नेतृत्वको सरकार असंबैधानिक भएको दोहोराएका छन् । 

विहिबार आयोजित कार्यक्रममा बोल्दै अध्यक्ष ओलीले सुशिला कार्की नेतृत्वको सरकार असंबैधानिक रहेकाले जेनजी समुहसँग भएको सम्झौता बारे टिप्पणी गर्न आवश्यक नरहेको बताएका छन्  ।

कार्की नेतृत्वको सरकारलाई राष्ट्रपतिले फागुन २१ गते निर्वाचन गर्न कार्यादेश दिएको सम्झाउदै ओलीले आफ्नो कार्यादेश भन्दा बाहिर चलखेल नगर्न चेतावनी समेत दिएका थिए ।

ओलीले देउवासँगको भेटमा देशको राजनीतिको विषया कुरा भएको र त्यसको परिणाम छिट्टै देखिने दाबी गरेका हुन् । देउवासँग भएको भेटको आलोचना भएको भन्दै देउवा क्षमता भएरनै देशको पटक पटक प्रधानमन्त्री बनेको उल्लेख गर्दै ओलीले भने- प्रमुख पार्टीका नेताहरु भेट हुदा देशको बारेमा कुरा हुनु, समस्याको समाधान कसरी गर्ने भन्ने विषयमा छलफल हुनु स्वाभाविक नै हो । अर्थपूर्ण छलफल भयो, त्यसको अर्थ छ, भोली देखिन्छ । त्यो प्रकट हुन टाइम लाग्छ ।'