रातो पासपोर्ट बुझाउन रास्वपाका पुर्व सांसदहरुलाई निर्देशन

काठमाडौँ, १३ असोज । राष्ट्रिय स्वतन्त्र पार्टी (रास्वपा) ले पार्टीका पुर्व सांसदहरुलाई रातो पासपोर्ट र सांसदको परिचयपत्र संघीय संसद् सचिवालयमा बुझाउन निर्देशन दिएको छ ।

प्रवक्ता मनिष झाले विज्ञप्ति जारी गर्दै रास्वपाले आफ्ना पुर्व सांसदहरुलाई रातो पासपोर्ट र सांसदको परिचयपत्र संघीय संसद् सचिवालयमा बुझाउन निर्देशन दिएको जानकारी दिएका हुन् ।

त्यस्तै प्रवक्ता झाले सबै तहका नेताहरूले चाडपर्वका दौरान शुभकामना पत्रहरूबाहेक कुनै किसिमको उपहार स्वीकार नगर्न निर्देशन दिएको बताएका छन् ।

साथै जेनजीको अगुवाइमा भएको सुशासनको लागि परिवर्तनको महत्त्वपूर्ण आन्दोलनका क्रममा ७५ जनाको ज्यान गएको अवस्थामा हामी राष्ट्रिय शोकको घडीमा रहेकाले यसपटक पार्टीको ब्यानर र झण्डा प्रयोग गरेर कुनै किसिमको चाडपर्व सम्बन्धित कार्यक्रम आयोजना नगर्न नगराउन सबै तहका पार्टीपंक्तिलाई निर्देशन दिइएको छ ।