बेठिक कुराको आलोचना गर्नुपर्छ, ठिक कुराको सम्मान गर्नुपर्छ : युवराज ज्ञवाली
२०८१ चैत्र २४ आईतवार
- आइतबार मन्थलीमा आयोजित नेपालको जनतान्त्रिक आन्दोलनमा कृष्णलाल, गङ्गालाल र पुष्पलालका योगदान विषयक वृहत् विचार गोष्ठीमा बोल्दै ज्ञवालीले जहाँ जहिले जुनसुकै कुरामा सकारात्मक र नकारात्मक कुरा हुने बताए ।
रामेछाप : नेकपा एमालेका उपाध्यक्ष युवराज ज्ञवालीले माक्र्सवादीले हरेक कुरामा द्वन्द्व हुन्छ भन्ने कुरा बिर्सन नहुने बताएका छन् ।
आइतबार मन्थलीमा आयोजित नेपालको जनतान्त्रिक आन्दोलनमा कृष्णलाल, गङ्गालाल र पुष्पलालका योगदान विषयक वृहत् विचार गोष्ठीमा बोल्दै ज्ञवालीले जहाँ जहिले जुनसुकै कुरामा सकारात्मक र नकारात्मक कुरा हुने बताए । ‘कम्युनिष्ट सबैभन्दा पहिला द्वन्द्ववादी हुनुपर्छ, मन पर्दा सबै कुरा ठिक, मन नपर्दा सबै बेठिक भन्ने कुरा गलत हो’, उनले भने ।
देशमा लोकतन्त्र आएपछि केही पनि भएन भन्ने कुरा गलत भएको ज्ञवालीले बताए । ‘तपाईँ हामी लडेर केही पनि भएन त रु तर जति हुनु पर्ने त्यति भएन, धेरै भएको छ, तर पुगेको छैन’, उनले भने ।
अहिलेको असन्तुष्टिलाई नयाँ परिवर्तनको लागि भएको असन्तुष्टिको रूपमा लिनु पर्ने उनले बताए । विवाद जहाँ पनि हुने बताउँदै उनले विवाद हुँदैमा जोगी हुन वा जङ्गल पस्न नसकिने उनले स्पष्ट पारे ।
सधैँ, विरोध र आलोचना गरेर अघि बढ्न नसकिने उनले स्पष्ट पारे । ‘बेठिक कुराको आलोचना गर्नुपर्छ, ठिक गरेको कुराको सम्मान गर्नुपर्छ’, उनले भने ।
टुटफुट र विभाजनबाट एक भएर अघि बढ्न र असहमतिका कुरामा छलफल गरेर सही बाटोमा अघि बढ्नु पर्ने उनको धारणा छ । गलत कुरालाई निषेध र राम्रो कुरालाई अघि बढाउँदै जानु पर्ने उनको धारणा छ ।
कार्यक्रममा विभिन्न राजनीतिक दलका नेताहरूले नेपालको जनतान्त्रिक आन्दोलनमा कृष्णलाल, गङ्गालाल र पुष्पलालका योगदानका बारे चर्चा गर्नुभएको थियो । कार्यक्रममा दुईवटा कार्यपत्र प्रस्तुत गरी टिप्पणी समेत गरिएको थियो ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
विश्वकपबाट चर्चा आएको केप भर्डे कहाँ छ, यो कस्तो देश हो ?
सीमित स्रोत र कठिन परिस्थितिबीच पनि यो देश आज फुटबलको माध्यमबाट विश्वभर आफ्नो पहिचानको दायरा बढाउन सफल भएको छ ।
