- मेलोनीले सामाजिक सञ्जालमार्फत प्रधानमन्त्री मोदीसँगको तस्बिर सार्वजनिक गर्दै 'रोममा स्वागत छ, मेरा साथी' लेखेकी छन् ।
काठमाण्डौ, ०६ जेठ । भारतीय प्रधानमन्त्री नरेन्द्र मोदी इटलीको भ्रमणमा रोम पुगेका छन् । मोदीलाई इटालीकी प्रधानमन्त्री जर्जिया मेलोनीले रोम पुग्दा न्यानो स्वागत गरेकी छन् । पाँच देशको भ्रमणको अन्तिम चरणअन्तर्गत मोदी इटली पुगेका हुन् ।
मेलोनीले सामाजिक सञ्जालमार्फत प्रधानमन्त्री मोदीसँगको तस्बिर सार्वजनिक गर्दै 'रोममा स्वागत छ, मेरा साथी' लेखेकी छन् । उनले रोमको ऐतिहासिक कोलोसियममा यसअघि खिचिएको दुवै नेताको अर्को तस्बिर पनि साझा गरेकी छन् । यसअघि रोम पुगेका प्रधानमन्त्री मोदीलाई त्यहाँको भारतीय समुदायले भव्य स्वागत गरेको थियो । होटल पुगेपछि मोदीले प्रवासी भारतीयसँग भेटघाट गरेका थिए ।
त्यसक्रममा आयोजित सांस्कृतिक कार्यक्रमको समेत उनले अवलोकन गरेका थिए । मोदीले उपस्थित व्यक्तिहरूसँग संवाद गर्नुका साथै आफ्नो चित्र बनाएर उपहार दिएका एक बालकलाई हस्ताक्षर समेत दिएका थिए । अर्कोतर्फ, मोदीले आफ्नो इटली भ्रमणबारे सामाजिक सञ्जालमार्फत जानकारी दिँदै आफू इटलीको राजधानी रोम पुगेको बताएका छन् । उनले इटलीका राष्ट्रपति सर्जियो मातेरेला र प्रधानमन्त्री जर्जिया मेलोनीसँग भेटवार्ता गर्ने तथा विभिन्न विषयमा छलफल हुने उल्लेख गरेका छन् ।
मोदीले यो भ्रमणको मुख्य उद्देश्य भारत र इटलीबीचको सहकार्यलाई अझ सुदृढ बनाउनु रहेको बताएका छन् । विशेषगरी भारत–मध्यपूर्व–युरोप आर्थिक मार्ग परियोजनाका विषयमा केन्द्रित छलफल हुने उनले जनाएका छन् । उनका अनुसार संयुक्त रणनीतिक कार्ययोजना २०२५–२०२९ को पनि समीक्षा गरिनेछ ।
प्रधानमन्त्री मोदीले संयुक्त राष्ट्रसंघअन्तर्गतको खाद्य तथा कृषि संगठनको मुख्यालयको समेत भ्रमण गर्ने कार्यक्रम रहेको बताएका छन् । उनले यस भ्रमणले बहुपक्षीय सहकार्य र विश्व खाद्य सुरक्षाप्रति भारतको प्रतिबद्धतालाई अझ मजबुत बनाउने उल्लेख गरेका छन् ।
मोदी यसअघि २०२४ को जुनमा जी ७ शिखर सम्मेलनका लागि इटाली पुगेका थिए ।
सहयोग गर्नुहोस्
निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।
सहयोग गर्नुहोस्ताजा समाचार
धेरै पढिएको
विशेष
बालेन सरकारको ६ महिना: भारत, चीन र अमेरिकासँगको सम्बन्धमा ‘रिसेट’ कि अन्योल?
बालेन सरकारको छ महिनामा भारत, चीन र अमेरिकासँग प्रारम्भिक दूरीबाट व्यावहारिक संलग्नतातर्फ केही परिवर्तन देखिएको विश्लेषण कार्यक्रममा प्रस्तुत भयो। अबको चुनौती भनेको अन्तर्राष्ट्रिय दृश्यता र कूटनीतिक सम्पर्कलाई विद्युत् व्यापार, लगानी, प्रविधि, रोजगारी र आर्थिक अवसरमा कसरी रूपान्तरण गर्ने भन्ने देखिन्छ।