नेप्से १८.०२ अंकले घट्यो, ६ अर्ब ५४ करोड कारोबार

काठमाडौँ: आज नेप्सेमा परिसूचकमा गिरावट आएको छ । नेप्से आइतबार १८.०२ अंकले घटेर २७३९. ९५ विन्दुमा पुगेको हो ।

आजको कारोबारमा विभिन्न ३२३ कम्पनीका एक करोड ४० लाख ९ हजार ७०८ कित्ता शेयर ६ अर्ब ५४ करोड ८६ लाख ३८ हजार ३३५ मा किनबेच भएको नेप्सेले जनाएको छ ।

आज विकास हाइड्रोको शेयर सबैभन्दा बढी ९.९९ प्रतिशतले बढेको छ भने सिवाईसी नेपाल लघुवित्तको शेयर ४.७४ प्रतिशतले बढेको छ । त्यस्तै आज नारायणी डेभलपमेन्ट बैंकको शेयर सबैभन्दा बढी ७.२९ प्रतिशतले घटेको छ ।

आज सबै भन्दा बढी कारोबार हिमालयन डिस्टिलरीको एक अर्ब ७५ करोड ७९ लाख र नेपाल रिइन्सुरेन्सको २४ करोड ४७लाखको कारोबार भएको नेप्सेले जनाएको छ ।