३.२९ % ले बढ्यो जीवन बीमा व्यवसाय

नेपाल बीमा प्राधिकरणको तथ्यांक अनुसार हाल सञ्चालनमा रहेका १४ जीवन बीमा कम्पनीको व्यवसाय ३.२९ प्रतिशतले बढेर ३० अर्ब ८ करोड ८२ लाख रुपैयाँ पुगेको हो । गत आर्थिक वर्षको दुई महिनामा जीवन बीमा कम्पनीको व्यवसाय  २९ अर्ब १२ करोड ९८ लाख रुपैयाँ रहेको थियो ।

यो अवधीमा शिर्ष कारोबार गर्नेमा भने नेपाल लाइफ इन्स्योरेन्स रहेको छ । कम्पनीले सो अवधिसम्ममा ९ अर्ब ३ करोड ७३ लाख रुपैयाँ बीमाशुल्क आर्जन गरेको छ । त्यस्तै, नेशनल लाइफले ३ अर्ब ५८ करोड ४८ लाख रुपैयाँ बीमाशुल्क आर्जन गरेको छ । कम्पनीले सो अवधिमा ३ अर्ब ५८ करोड रुपैयाँ कुल बीमाशुल्क आर्जन गरेको छ ।

त्यसैगरी,एलआइसी कार्पोरसन नेपालले ३ अर्ब ३० करोड ७५ लाख रुपैयाँ कुल बीमाशुल्क आर्जन गरेको छ । 

त्यस्तै हिमालयन लाइफले ३ अर्ब १० करोड १५ लाख रुपैयाँ कुल बीमाशुल्क आर्जन गरेको छ । त्यस्तै सूर्यज्योति लाइफ इन्स्योरेन्सले १ अर्ब ८४ करोड ५७ लाख रुपैयाँ कुल बीमाशुल्क आर्जन गरेको छ ।

एशियन लाइफले भने उक्त अवधिमा १ अर्ब ४७ करोड २० लाख रुपैयाँ कुल बीमाशुल्क आर्जन गरेको छ । त्यसैगरी,सिटिजन लाइफ इन्स्योरेन्सले १ अर्ब २७ करोड ७८ लाख रुपैयाँ,सानिमा रिलायन्स लाइफले १ अर्ब १० करोड ६४ लाख रुपैयाँ, राष्ट्रिय जीवन बीमा कम्पनीले १ अर्ब ६ करोड ४७ लाख रुपैयाँ र मेट लाइफले सो अवधिसम्ममा ९६ करोड ३ लाख रुपैयाँ बीमाशुल्क आर्जन गरेको छ ।

त्यस्तै, प्रभु महालक्ष्मी लाइफले ८७ करोड २० लाख रुपैयाँ, रिलायबल नेपाल लाइफले ८५ करोड ४७ लाख रुपैयाँ,आइएमई लाइफले ८२ करोड ३५ लाख रुपैयाँ र सन नेपाल लाइफले ७७ करोड ९४ लाख रुपैयाँ बीमाशुल्क आर्जन गरेको छ ।