आर्सनल च्याम्पियन्स लिगको फाइनलमा

काठमाण्डौ, २३ वैशाख । आर्सनल यस बर्षको युइएफए च्याम्पियन्स लिगको फाइनलमा पुगेको छ ।

गएराती सम्पन्न सेमिफाइनलको दोस्रो लिगमा एटलेटिको म्याड्रिडलाई १-० गोल अन्तरले पराजित गर्दै समग्रमा २-१ को नतिजासहित आर्सनल फाइनलमा पुगेको हो । आर्सनलको जितमा खेलको ४४औं मिनेटमा बुकायो साकाले गरेको गोलनै खेलको निर्णायक गोल बनेको थियो ।

अब आर्सनलले फाइनलमा बायर्न म्युनिख र पिएसजीबीचको विजेतासँग उपाधिका लागि भिड्ने छ । फाइनल खेल मे ३० मा हुने छ ।

आर्सनल २००५-०६ सिजनपछि पहिलो पटक च्याम्पियन्स लिगको फाइनलमा पुगेको हो । सो बर्ष फाइनलमा आर्सनल बार्सिलोनासँग पराजित भएर उपविजेता बनेको थियो ।