तिब्बत स्वायत्त क्षेत्रद्वारा नेपाललाई दुई वटा बेलिब्रिजका सामग्री हस्तान्तरण

काठमाडौँ: चीनको तिब्बत स्वायत्त क्षेत्रले बाढी तथा पहिरो प्रभावित नेपालका लागि बेलिब्रिजसहितका आपत्कालीन राहत साशुक्रबार सिगात्सेस्थित रिझी नाकामा उक्त सामग्री नेपाललाई औपचारिक रूपमा हस्तान्तरण गरिएको हो ।मग्री उपलब्ध गराएको छ । 

हस्तान्तरणस्थलमा चिनियाँ र नेपाली भाषामा ‘साझा हिमाल, साझा नदी-दुःखसुखमा एकताबद्ध : तिब्बत नेपालको सहयोगमा’ भन्ने सन्देश राखिएको थियो । विपद्का समयमा दुई देशका नागरिकबीच रहेको सहयोग र ऐक्यबद्धताको प्रतीकका रूपमा उक्त सन्देश प्रस्तुत गरिएको थियो ।

उपलब्ध गराइएको सहयोगमा बेलिब्रिजका प्यानल, मजबुत झुन्ड्याउने डन्डी, आधार संरचना, पुलका सतह तथा फलामे डन्डीलगायत सामग्री रहेका छन् । यी सामग्रीबाट दुई वटा बेलिब्रिज निर्माण गर्न सकिने र नेपालका पहिरो प्रभावित क्षेत्रमा यातायात सम्पर्क पुनःस्थापना तथा उद्धार र राहत कार्यमा प्रयोग गरिने जनाइएको छ ।

ल्हासामा तिब्बत स्वायत्त क्षेत्रको विदेश मामिला कार्यालय र ल्हासास्थित नेपाली महावाणिज्य दूतावासबीच हस्तान्तरण कार्यक्रमसमेत भएको थियो । नेपाली महावाणिज्यदूत लक्ष्मीप्रसाद निरौलाले नेपाली पक्षका तर्फबाट हस्तान्तरणसम्बन्धी प्रमाणपत्रमा हस्ताक्षर गरेका थिए ।

नेपालले विपद्पछि चीनले देखाएको शीघ्र सहयोगप्रति आभार व्यक्त गर्दै तिब्बत स्वायत्त क्षेत्रको समयमै प्राप्त सहयोगले दुई पक्षबीचको गहिरो मित्रता झल्काएको बताएको छ । साझा हिमाल र नदीले जोडिएका दुई पक्ष कठिन समयमा एकअर्कालाई सहयोग गर्ने सम्बन्धलाई यस सहयोगले थप बलियो बनाएको जनाइएको छ ।