भारतबाट सुरुङमा उद्धारका लागि प्राविधिक टोलीसहित थप ११ टन राहत सामग्री आइपुग्यो

१४ भाद्र, २०८३, आइतवार

(राजनीति)

सारांश

भारतीय विदेशमन्त्री एस जयशंकरका अनुसार भारतबाट ११ टन सहयोग सामग्री बोकेको चौथो उडान शनिबार राति काठमाडौँ आइपुगेको छ ।

काठमाडौँ: भारतले नेपालमा बाढी तथा पहिरो प्रभावितको उद्धार र राहतका लागि थप सहयोग पठाएको छ ।

भारतीय विदेशमन्त्री एस जयशंकरका अनुसार भारतबाट ११ टन सहयोग सामग्री बोकेको चौथो उडान शनिबार राति काठमाडौँ आइपुगेको छ । उक्त सामग्रीमा सुरुङमा खोज तथा उद्धारका लागि प्राविधिक टोली र आवश्यक उपकरण, शव परीक्षण तथा डिएनए विश्लेषणका लागि विशेषज्ञ टोली र उपकरण समावेश छन् । त्यसैगरी कम्बल, सुत्ने झोला, त्रिपाल, प्लास्टिकका पाना तथा सरसफाइ सामग्री पनि पठाइएको छ ।

भारतबाट २३० फिट लामो एकतर्फी अस्थायी स्टिल पुल निर्माणका लागि आवश्यक उपकरण बोकेका १६ वटा ट्रकसमेत नेपाल आइपुगेका छन् । थप सातवटा बेलिब्रिज पुल जडानका लागि आवश्यक उपकरण छिट्टै पठाइने र प्राविधिक टोली पनि नेपाल आउने जयशंकरले बताएका छन् ।

हालसम्म भारतले अत्यावश्यक औषधि, विद्युत् उत्पादन गर्ने पोर्टेबल यन्त्र, खाद्य सामग्री, पानी शुद्धीकरण गर्ने चक्की तथा प्राविधिक उपकरणसहित ६८.५ टन राहत सामग्री हवाईमार्फत काठमाडौँ पठाइसकेको छ ।

जयशंकरले नेपालमा जारी उद्धार तथा राहत कार्यमा भारतको सहयोग निरन्तर रहने बताएका छन् ।

सहयोग गर्नुहोस्

निष्पक्ष, खोजमुलक तथा तथ्यमा आधारित पत्रकारिताको लागी हामीलाई सहयोग गर्न सक्नुहुनेछ। तपाइको सानो प्रयासले हाम्रो जवाफदेही पत्रकारितामा ठुलो सहयोग हुनसक्छ।

सहयोग गर्नुहोस्

ताजा समाचार

धेरै पढिएको

विशेष

विश्वकप फुटबलमा अत्याधुनिक प्रविधिको प्रयोग, के के हुँदैछ सहज ?

यस संस्करणमा पहिलो पटक ४८ टोलीले सहभागिता जनाउँदैछन् । प्रतियोगिताको आकार मात्र होइन, प्रयोग गरिने अत्याधुनिक प्रविधिका कारण पनि यो विश्वकप विशेष बन्ने अपेक्षा गरिएको छ ।

बिन्दु पोष्ट