‘अब म होइन, हामी’ — रास्वपा सभापति रवि लामिछानेको आह्वान

काठमाडौँ: राष्ट्रिय स्वतन्त्र पार्टीका सभापति रवि लामिछानेले पार्टीको सर्वोपरि हितका लागि हरेक तहमा सक्षम, इमानदार र जनमैत्री नेतृत्व आवश्यक रहेको बताएका छन्।

जिल्ला अधिवेशनको शुभकामना सन्देश जारी गर्दै उनले संवाद, सहमति र आन्तरिक निर्वाचनमार्फत नेतृत्व चयन गर्नु नै राष्ट्रिय स्वतन्त्र पार्टीको लोकतान्त्रिक संस्कार भएको उल्लेख गरे।

लामिछानेले पार्टी अब ‘म’ केन्द्रित सोचबाट ‘हामी’ केन्द्रित यात्रामा जानुपर्ने आवश्यकता औंल्याउँदै पुरानो शैली र प्रवृत्ति त्याग्न आग्रह गरे। पहिलो महाधिवेशनको प्रक्रिया पार्टीको दीर्घकालीन जीवन, संस्कार र मुलुकको नेतृत्व गर्न सक्षम राजनीतिक शक्ति निर्माणतर्फ केन्द्रित हुनुपर्ने उनको भनाइ छ।