सर्वोच्चको फैसलापछि खड्का निवासमा देउवा पक्षीय शीर्ष नेताको छलफल जारी

काठमाडौं: सर्वोच्च अदालतको पछिल्लो फैसलापछि पूर्वकार्यवाहक सभापति पूर्णबहादुर खड्काले आफ्ना निकट नेताहरूसँग छलफल सुरु गरेका छन्।

खड्का निवासमा केही समयअघि सुरु भएको बैठक अहिले पनि जारी रहेको छ। उक्त छलफलमा पूर्वपदाधिकारीहरू तथा शेरबहादुर देउवा पक्षीय केही केन्द्रीय सदस्यहरू पनि सहभागी छन्।

बैठकमा विमलेन्द्र निधि, डा. शशांक कोइराला, कृष्णप्रसाद सिटौला, डा. प्रकाशशरण महत, एनपी साउद, रमेश लेखक लगायतका शीर्ष नेताहरूको उपस्थिति रहेको छ।

पार्टीको आधिकारिकता विवादसम्बन्धी मुद्दामा खड्काले दायर गरेको रिट सर्वोच्च अदालतले खारेज गर्दै गगन थापा नेतृत्वको कार्यसमितिलाई मान्यता दिएको थियो। सोही निर्णयपछि आगामी राजनीतिक तथा संगठनात्मक रणनीति तय गर्न बैठक बसेको बताइएको छ।