ओली पक्राउको विरोध कार्यक्रम तय गर्न एमालेले दियो नेताहरुलाई जिम्मेवारी

काठमाडौँ: नेकपा एमालेले पार्टी अध्यक्ष केपी शर्मा ओली र कांग्रेस नेता रमेश लेखक पक्राउ परेपछिका घटनाबारे अन्य दलसँग संवाद गर्न जिम्मेवारी बाँडफाँट गरेको छ ।

शनिबार बसेको सचिवालय बैठकले राजनीतिक दलहरुसँग संवादको संयोजन उपाध्यक्ष विष्णु पौडेलले गर्नेछन् । भने संसदमा रहेका दलहरुसँगको संवाद उपाध्यक्ष रामबहादुर थापा बादलले गर्ने छन् । त्यस्तै कानुनी प्रक्रियाको संयोजन उपाध्यक्ष गोकर्ण विष्टले गर्ने भएका छन् ।

एमालेले भोली सबै जिल्लामा प्रमुख जिल्ला अधिकारीलाई विरोध पत्र दिएर औपचारिक रुपमा ओलीको पक्राउको विरोध शुरु गर्ने भएको छ भने एमालेका भातृ संगठनहरुले भने आजैदेखि प्रदर्शन शुरु गरेका छन् ।